Anti money laundering

PANIMULA

Ang Patakaran sa Anti-Money Laundering na ito (mula rito ay tutukuyin bilang ang "Patakaran") ay naglalayong pamahalaan ang mga aktibidad ng WhiteBox B.V laban sa money laundering, pagpopondo ng terorista, o anumang iba pang ilegal o mapanlinlang na aktibidad. Ibinabalangkas ng Patakaran na ito ang mga pamamaraan, obligasyon, at pamantayan na inilapat ng Kumpanya alinsunod sa mga naaangkop na batas laban sa money laundering at pagpigil sa pagpopondo ng terorista.

Sa pag-access o paggamit sa vulkanvegas.com (mula rito ay tutukuyin bilang ang "Website"), ang lahat ng user (mula rito ay tutukuyin bilang ang “Mga User”) ay kinikilala at tinatanggap ang mga tuntunin ng Patakaran na ito, kasama ang anumang pag-amyenda sa hinaharap. May karapatan ang Kumpanya na amyendahan ang Patakaran na ito sa anumang oras bilang tugon sa mga update sa regulasyon, mga panloob na pagsusuri sa panganib, o mga pagpapaunlad sa pamamaraan. Aabisuhan ang mga user tungkol sa anumang malaking pagbabago, at ang patuloy na paggamit ng Website pagkatapos ng nasabing abiso ay kakatawan sa pagtanggap ng mga na-update na tuntunin. 

1. Pagpapatupad ng Patakarang ito

Nagpapanatili ang Kumpanya ng may istrukturang framework ng Paglaban sa Money Laundering at Pagpigil sa Pagpopondo sa Terorista (Anti-Money Laundering and Counter-Terrorist Financing, AML/CFT), kung saan kasama ang, pero hindi limitado sa, mga sumusunod na elemento:

·       Beripikasyon ng Customer: Nagsasagawa ang Kumpanya ng mga pamamaraan sa beripikasyon ng pagkakakilanlan (Wastong Pag-iingat ng Customer) sa lahat ng User ayon sa mga kinakailangan ng mga regulasyon sa AML ng Curaçao at mga internal na limitasyon sa panganib.

·       Pamamaraan na Nakabatay sa Panganib: Sinusuri ang mga user batay sa pamamaraan na nakabatay sa panganib nang naayaon sa alituntunin ng Task Force sa Pinansyal na Aksyon (Financial Action Task Force, FATF) at iba pang pamantayan sa regulasyon. Kabilang dito ang pagsusuri na batay sa mga salik ng panganib ayon sa heograpiya, gawi, transaksyon, at partikular na customer.

·       Patuloy na Pagsubaybay: Napapailalim sa patuloy na pagsubaybay ang lahat ng transaksyong isinagawa sa Website. Inilalapat ng Kumpanya ang mga panloob na panuntunan para tukuyin ang kahina-hinalang gawi at mga pantukoy ng potensyal na money laundering o pagpopondo sa terorista.

·       Pagsasanay sa Empleyado: Nakakatanggap ng regular na pagsasanay sa AML/CFT ang mga tauhang may kinalaman sa pakikipag-ugnayan sa customer, pagpoproseso ng transaksyon, at mga tungkulin sa pagsunod. Tinitiyak nito na updated sila sa mga pagbabago sa regulasyon at internal na pamamaraan para sa pagtukoy at pag-uulat ng kahina-hinalang aktibidad.

2. Mga Kategorya ng Panganib

Gumagamit ang Kumpanya ng pamamaraan sa mga kategorya ng panganib, na itinaguyod ng FATF at GCB para tukuyin kung nagpapakita ang User ng panganib ng pagiging sangkot sa money laundering scheme.

Ang mga kategorya ng panganib na ito ay:

2.1 Panganib sa Bansa/Heograpiya

Kapag nagparehistro ang isang User ng account sa Website, dapat isaalang-alang ang kanyang lugar ng tirahan (mula rito ay tutukuyin bilang ang "Hurisdiksyon") bilang bagay na binibigyang-priyoridad. Sa simula, sinusuri ng Kumpanya kung nasa listahan ng European Commission ng "mga bansa na hindi miyembro ng EU na mataas ang panganib na may mga pang-estratehiyang kakulangan" (tingnan ang "mga pinagmumulan"). Pagkatapos, sinusuri ng kumpanya kung nasa o wala sa listahan ng "mataas ang panganib at iba pang sinusubaybayang hurisdiksyon" ang hurisdiksyon, na ipinepresenta ng FATF. Dagdag dito, nagsasagawa ang Kumpanya ng sarili nitong pagsusubaybay ng mga hurisdiksyon batay sa mga sumusunod na parametro:

·             Legal na kapaligiran.

·             Pulitikal na kapaligiran.

·             Estruktura ng ekonomiya ng bansa.

·             Mga salik ng kultura at katangian ng lipunang sibil.

·             Mga pinagmulan, lokasyon at konsentrasyon ng kriminal na aktibidad (kung mayroon).

2.2 Panganib ng user

Sinusuri ng Kumpanya ang aktibidad ng bawat User sa Website batay sa hindi pagkakaroon o pagkakaroon ng isa o higit pang salik na maaaring magbigay ng batayan para ilagay ang User na ito sa kategoryang "mataas ang panganib". Ang mga salik na ito ay:

a) mga malaki o mataas na gumagastos (o mga labis na mataas na gumagastos para sa merkadong ito);

b) kahina-hinalang aktibidad ng User (kahina-hinalang aktibidad, paggamit ng maraming device para pahintulutan sa Kumpanya sa maikling panahon, paggamit ng isang IP address ng maraming User, paggamit ng device ng User ng iba pang User ng Website);

c) kung ang nasabing tao ay isang Taong Nalantad sa Pulitika (Politically Exposed Person, PEP) ayon sa kahulugan ng Direktiba 2015/849 ng European Union at ng Konseho;

d) anumang presensya sa anumang listahan ng mga internasyonal na sanction, kasama ang mga pinapanatili ng UN, EU, OFAC, o HMT;

2.3 Panganib sa transaksyon

Ginagawa ng Kumpanya ang bawat pagsisikap para alisin ang anumang (mga) panganib sa transaksyon na tinukoy ng FATF:

a) Hindi tumatanggap ang Kumpanya ng mga transaksyon mula sa mga hindi kilalang instrumento ng pagbabayad;

b) Hindi pinapayagan ng kumpanya na ilipat ang mga pondo mula sa account ng isang user patungo sa account ng isa pang user;

c) Hindi tumatanggap ng cash ang Kumpanya mula sa mga user;

d) Maaari lang tumanggap ang Kumpanya ng mga maaasahang electronic wallet mula sa mga hurisdiksyon na may magandang reputasyon;

e) Hindi pinapayagan ng Kumpanya ang pagkakaroon ng mga karagdagang account at hindi nito tinatanggap ang mga deposito mula sa mga instrumento ng pagbabayad na hindi pagmamay-ari ng User.

2.4 Panganib ng Produkto

Isinasaalang-alang ng Kumpanya ang mga uri ng mga produkto na inaalok at ang hangganan kung saan maaaring samantalahin ang kanilang mga tampok para sa mga ipinagbabawal na aktibidad, gaya ng money laundering o pagpopondo sa terorismo. Ang mga produktong may potensyal para sa mga malaki, mabilis, o hindi kilalang transaksyon, pati na rin ang mga madaling mahulog sa manipulasyon, ay tinutukoy bilang mas mataas ang panganib at napapailalim sa mas matitinding kontrol.

3. Beripikasyon at Know Your Customer (KYC)

Sumusunod ang Kumpanya sa mga prinsipyo ng Kilalanin Ang Iyong Customer (Know Your Customer, KYC) at Wastong Pag-iingat ng Customer (Customer Due Diligence, CDD) alinsunod sa mga naaangkop na batas, regulasyon at internasyonal na pamantayan sa AML/CFT.

Dapat sumailalim ang lahat ng User sa beripikasyon ng KYC, na may pagkolekta at pagberipika ng impormasyon ng pagkakakilanlan at mga pansuportang dokumento para kumpirmahin ang kanilang pagkakakilanlan at pagiging lehitimo ng pinagmumulan ng mga pondo.

3.1 Pagiging Kwalipikado

Para magrehistro sa at gamitin ang Website, dapat na hindi bababa sa labinwalong (18) taong gulang ang isang tao. Gumagamit ng mga pamamataan sa pagberipika para kumpirmahin ang edad ng User sa panahon ng onboarding.

Sa panahon ng pagproseso ng beripikasyon, kung natuklasan na mali, dinaya, o mapanlinang ang anumang impormasyon o dokumentong isinumite, may karapatan ang Kumpanya na tanggihan ang pagrerehistro o wakasan ang kasalukuyang account.

3.2 Mga Kinakailangan sa Beripikasyon

Maaaring simulan ng Kumpanya ang beripikasyon ng pagkakakilanlan sa mga sumusunod na sitwasyon:

a) Kapag umabot o lumampas ang kabuuang dami ng transaksyon ng User sa limitasyon ayon sa regulasyon o batay sa panganib;

b) Kapag natukoy ng mga panloob na pagsusuri ng panganib na mataas ang panganib ng User (ayon sa nakadetalye sa Seksyon 2, “Mga Kategorya ng Panganib”);

c) Kapag may natukoy na kahina-hinalang gawi, gaya ng mga pagkakaiba sa aktibidad ng account, mga teknikal na babala o babala sa gawi, o mga pantukoy ng potensyal na panloloko;

d) Sa iba pang sitwasyon kung saan kinakailangan ang pinahusay na wastong pag-iingat (enhanced due diligence, EDD) sa ilalim ng mga obligasyon sa regulasyon, o sa pagpapasya ng Kumpanya.

Bilang bahagi ng proseso ng CDD, nangongolekta rin ang Kumpanya ng impormasyon para tukuyin ang layunin at nilalayong katangian ng ugnayan sa negosyo kasama ang pangkalahatang pinagmumulan ng pondo ng User, inaasahang gawi sa transaksyon, at paggamit ng mga serbisyo.

3.3 Dokumentasyon

Para kumpletuhin ang beripikasyon, maaaring kailangan isumite ng User ang mga sumusunod:

·       May-bisa na ID na ibinigay ng gobyerno (hal., pasaporte, pambansang ID card);

·       Patunay ng pagmamay-ari ng paraan ng pagbabayad, gaya ng larawan ng card sa bangko na nakikita ang mga pinahihintulutang digit (hindi dapat takpan ang pangalan);

·       Patunay ng address, hindi mas luma sa 3 buwan;

·       Pagsusuri ng selfie/liveness (pagiging tunay), kung saan naaangkop;

·       Mga pansuportang dokumento para sa pinagmumulan ng mga pondo o pagtatrabaho kung hiniling;

·       Anumang iba pang dokumentong kailangan para sa mga layunin ng regulasyon o panganib.

Sa ilang partikular na sitwasyon, maaaring kailanganin ng panayam sa pamamagitan ng video para kumpletuhin ang proseso ng beripikasyon ng pagkakakilanlan.

3.4 Pinahusay na Wastong Pag-iingat (Enhanced Due Diligence, EDD)

Isinasagawa ang Pinahusay na Wastong Pag-iingat kapag may natukoy na mas mataas na antas ng panganib. Inilalapat ang EDD sa mga sumusunod na sitwasyon:

·       Natukoy ang User bilang isang Taong Nalantad sa Pulitika (Politically Exposed Person, PEP), o malapit na kakilala/kapamilya ng isang PEP;

·       Ang User ay isang residente ng, o nagpapatakbo mula sa, isang hurisdiksyon na inilista ng FATF o European Commission bilang mataas ang panganib o nasa ilalim ng pinataas na pagsubaybay;

·       Tinukoy ng mga panloob na sistema ang kahina-hinalang aktibidad o mga transaksyon na hindi naaayon sa profile ng User.

Sa ilalim ng EDD, maaaring hilingin ng Kumpanya ang pagsusumite ng karagdagang impormasyon at dokumentasyon, kasama ang, pero hindi limitado sa:

·       Mga dokument o ng naberipikang Pinagmumulan ng Mga Pondo (Source of Funds, SOF) (hal., mga slip ng sahod, kontrata, bank statement, dokumento ng buwis);

·       Kung saan naaangkop, naberipikang dokumentasyon ng Pinagmumulan ng Yaman (Source of Wealth, SOW) para sa aktibidad na mataas ang halaga;

·       Karagdagang paglilinaw sa layunin at inaasahang paggamit ng account at mga serbisyo;

·       Anumang ibang dokumentong kinakailangan para matugunan ang mga obligasyon sa regulasyon o mga panloob na kontrol sa panganib.

Dagdag dito, maaaring suspindihin ng Kumpanya ang account ng User hanggang sa pumasa ang user sa proseso ng beripikasyon o magbigay siya ng (mga) dokumento o impormasyong hinihiling. Kung mabibigo ang User na magbigay ng sapat na impormasyon o pansuportang dokumentasyon, maaaring paghigpitan o wakasan ng Kumpanya ang access.

4. Panahon ng Pagpapanatili ng Rekord

Alinsunod sa naaangkop na batas sa AML/CFT at alituntunin sa regulasyon, nagpapanatili ang Kumpanya ng komprehensibong sistema ng pagpapanatili ng rekord para tiyakin ang pananagutan at kakayahang matunton ang mga aktibidad ng customer.

Pinapanatili ng Kumpanya ang mga sumusunod na rekord sa isang secure at naa-access na format para sa minimum na panahon na limang (5) taon mula sa petsa ng huling transaksyon o pagwawakas ng ugnayan sa negosyo, alinman ang mas huli:

·       Mga dokumento ng pagkakakilanlan at beripikasyon na nakolekta sa proseso ng KYC at wastong pag-iingat;

·       Impormasyon at mga dokumentong nauugnay sa pinahusay na wastong pag-iingat (EDD) at mga pagsusuri ng pinagmumulan ng mga pondo/yaman;

·       Mga kumpletong rekord ng transaksyon, kasama ang mga nagamit na paraan ng pagbabayad, mga halagang nadeposito o na-withdraw, at mga timestamp ng transaksyon;

·       Mga rekord ng mga panloob na pagsusuri ng panganib, alerto, imbestigasyon, at desisyong nauugnay sa kahina-hinalang aktibidad;

Pinapanatili ang mga rekord na ito alinsunod sa naaangkop na batas sa proteksyon ng data, kasama ang mga probisyon para sa ligtas na pag-access, pagiging kumpidensyal, at integridad ng personal at pinansyal na impormasyon. Mangyaring sumangguni sa Patakaran sa Privacy para sa higit pang impormasyon sa pag-iimbak ng personal na data ng mga user ng Website.

5. Pagsubaybay ng Aktibidad

Gumagamit ang Kumpanya ng komprehensibong sistema sa transaksyon at pagsubaybay ng gawi na idinisenyo para tukuyin at pigilan ang potensyal na money laundering, pagpopondo sa terorista, at iba pang ilegal na aktibidad. 

Napapailalim ang lahat ng transaksyon at aktibidad ng user sa mga patuloy na pagsusuri para tukuyin ang mga hindi pagkakapareho, pantukoy ng panganib, o hindi karaniwang pattern na lumilihis sa inaasahang gawi batay sa profile ng user.

Kung saan naaangkop, ipinapatupad ang mga sumusunod na pantuntunan at prinsipyo:

·       Para sa anumang transaksyon sa bangko o card, dapat tumugma ang pangalan ng account o may-ari ng card sa nakarehistrong pangalan sa account ng user. Kung nagkaroon ng pagbabago sa pangalan, dapat na magsumite ng pansuportang dokumentasyon.

·       Kung gumawa ng mga deposito gamit ang mga paraan ng pagbabayad na hindi nawi-withdraw, maaari lang iproseso ang mga pag-withdraw sa isang nabeberipikang paraan ng pagbabayad na pagmamay-ari ng user. Sa mga nasabing sitwasyon, maaaring humiling ang Kumpanya ng dokumentasyon para kumpirmahin ang pagmamay-ari.

·       May karapatan ang Kumpanya na humiling ng mga karagdagang dokumento ng beripikasyon (gaya ng patunay ng pagmamay-ari ng paraan ng pagbabayad o Pinagmumulan ng Mga Pondo) kung may mga pagkakaiba, hindi karaniwang aktibidad, o mas mataas na panganib.

Patuloy na sinusubaybayan ng Kumpanya ang lahat ng aktibidad ng user pati na rin ang kanilang mga transaksyon para tiyaking wala itong pamamaraan ng money laundering. Ang mga pamamaraang ito ay:

Paglalagay.

Sa puntong ito, kino-convert ang mga pondo sa iba pang pinansyal na instrumento gaya ng mga banking account, tseke, money transfer, o ginagamit ito para bumili ng mga mahal na gamit na maaaring ibenta muli. Pagkatapos, maaaring ipuhunan ang mga pondo sa mga bangko at iba pang institusyon na hindi isang bangko (halimbawa, mga institusyon para sa pagpapalitan ng pera). Para maiwasan ang anumang paghihinala mula sa panig ng Kumpanya, maaaring magsagawa ang isang entidad sa money laundering ng maraming paglalagay sa halip na ilagay ang kabuuang halaga sa iisang operasyon. Kilala ito bilang "smurfing" o "structuring".

Layering.

Dinadala o inililipat ang mga pondo sa iba pang account o pinansyal na instrumento. Idinisenyo ang pamamaraang ito para itago ang pinagmulan ng mga pondo at para mapigilan ang pagtukoy sa taong nagsasagawa ng iba't ibang pinansyal na operasyon. Dahil sa paggalaw ng mga pondo at mga pagbabago sa anyo nito, ginagawa nitong komplikado ang proseso ng pagsubaybay sa mga pondo.

Pagsasama.

Ibinabalik ang mga pondo sa pinansyal na sistema sa ilalim ng pagkukunwari na mga pondo ito na legal na nakuha, na may panghuling layunin na isama sa pinansyal na sistema sa kalaunan.

5.1 Pagpigil sa Kahina-hinalang Aktibidad

Aktibong nagsusuri ang sistema ng Kumpanya at ng AML team ng mga gawing karaniwang nauugnay sa pinansyal na krimen o maling paggamit ng platform, kasama ang pero hindi limitado sa:

·       Paggamit ng maraming card para sa pagbabayad sa iba't ibang provider ng pagbabayad;

·       Paggamit ng mga card mula sa iba't ibang issuer o rehiyon sa loob ng maikling panahon;

·       Madalas na pagpapalit sa pagitan ng mga hindi nauugnay na paraan ng pagbabayad (hal., mga e-wallet card, bank transfer);

·       Pagtanggi o pagiging hindi handang beripikahin ang mga paraan ng pagbabayad;

·       Hindi pagtutugma ng mga pantukoy ng heograpiya, gaya ng bansa ng pagrerehistro, IP address, mga setting ng device, o mobile provider;

·       Paulit-ulit na paggamit ng mga device na nauugnay sa maraming account (batay sa fingerprinting ng device);

·       Pag-iwas o pagtanggi sa mga pamamaraan ng pagkumpirma ng pagkakakilanlan, kasama ang beripikasyon gamit ang video o selfie kasama ang ID.

Kapag natukoy ang mga nasabing gawi, maaaring mapailalim ang account sa pinahusay na pagsusuri, mga pansamantalang paghihigpit, o pagsuspinde ng buong account habang nakabinbin ang resolusyon.

6. Pagsasanay ng tauhan sa mga kasalukuyang proseso ukol sa AML

Tinitiyak ng Kumpanya na ang lahat ng nauugnay na tauhan na may kinalaman sa laban sa money laundering, laban sa pagpopondo ng terorista, pag-onboard ng customer, at mga pinansyal na transaksyon ay wastong sinasanay at pinapanatiling updated sa mga kasalukuyang obligasyon sa AML/CFT at mga pinakamahusay na gawi sa industriya.

Ang mga tauhan sa mga pangunahing departamento — kasama ang team sa mga pinansyal na operasyon (responsable para sa pagproseso ng mga pagdeposito at pag-withdraw ng user) at departamento sa pagsunod (responsable para sa pagsasagawa ng beripikasyon ng pagkakakilanlan at wastong pag-iingat) — ay sumasailalim sa mga regular at may istrukturang sesyon ng pagsasanay na inakma sa kanilang mga partikular na tungkulin at responsibilidad.

6.1 Dalas at Pagsusuri

Nag-oorganisa ang Kumpanya ng mga mandatoryong sesyon sa pagsasanay sa AML/CFT para sa lahat ng nauugnay na tauhan nang isang beses o higit pa sa isang taon, kung saan nagsasagawa ng mga karagdagang sesyon kung kailangan bilang tugon sa mga update sa regulasyon o mga panloob na pagbabago sa pamamaraan.

Dapat kumpletuhin ng mga bagong empleyado ang inisyal na pagsasanay sa AML bilang bahagi ng kanilang proseso ng pag-onboard bago i-access ang anumang sistema na sensitibo sa AML o bago pangasiwaan ang data ng user.

Dagdag dito, nagsasagawa ang Kumpanya ng mga regular na pagsusuri ng tauhan para suriin ang antas ng pag-unawa at kahusayan ng mga empleyado nito kaugnay ng mga kasanayan sa AML/CTF at KYC. Tumutulong ang mga pagsusuring ito na tukuyin ang mga larangan na maaaring pahusayin at tinitiyak nito na mananatiling may kakayahan ang lahat ng miyembro ng team para gawin ang kanilang mga tungkulin.

Ang programa sa pagsasanay ay pinapangasiwaan ng Nakatataas na Pamamahala at nakadokumento alinsunod sa panloob na framework para sa kontrol ng Kumpanya.

7. Pag-uulat ng Hindi Karaniwang Aktibidad o Mga Transaksyon 

May karapatan ang Kumpanya na iulat ang anumang transaksyon o gawi ng user na pinaghihinalaang money laundering, pagpopondo sa terorista, o iba pang kriminal na aktibidad.

Kung natukoy ng Kumpanya ang aktibidad na hindi angkop na maipaliwanag o hindi mabigyang-katwiran ng user at natutugunan nito ang mga obhetibo o subhetibong pantukoy ng kahina-hinalang gawi, maaaring iulat ang nasabing aktibidad sa naaangkop na awtoridad ng Curaçao.

8. Mga Sanggunian

Makikita mo rito ang listahan ng pinagmulan (pero hindi limitado dito) para sa Patakaran na ito. Maaaring ilapat ang karagdagang batas o mga dokumento.

1.     Ang Apatnapung Rekomendasyon at Mga Espesyal na Rekomendasyon sa Pagpopondo sa Terorismo (Forty Recommendations and Special Recommendations on Terrorism Financing, "FATF Recommendations");

2.     Pamamaraan na nakabatay sa panganib para sa mga casino (RBA para sa Mga Casino), na ipinagkaloob ng FATF;

3.     Direktiba 2015/849 ng European Union at Konseho ng Mayo 20, 2015 sa pagpigil sa paggamit ng pinansyal na sistema para sa mga layunin ng money laundering o pagpopondo sa terorista;

4.     Regulasyon na Iniatas ng Komisyon (Commission Delegated Regulation) (EU) 2016/1675 ng Hulyo 14, 2016 na karagdagdan sa Direktiba (EU) 2015/849 ng European Parliament at ng Konseho sa pamamagitan ng pagtukoy sa mga bansa na hindi miyembro ng EU na mataas ang panganib na may mga pang-estratehiyang kakulangan;

5.     Ang Pagpigil at Pagsupil sa Mga Aktibidad sa Money Laundering na Inaamyenda ang Batas 13(Ι) (Prevention and Suppression of Money Laundering Activities Amending Law 13(Ι)) ng 2018 ng Republika ng Cyprus;

6.     Lupon sa Pagkontrol ng Paglalaro ng Curacao (Curacao Gaming Control Board), Mga regulasyon sa paglaban sa Money Laundering, Pagpopondo ng Terorismo at Paglaganap ng mga armas sa malawakang pagkasira, huling na-update noong Enero 2025;

7.     Listahan ng FATF ng Mataas ang panganib at iba pang sinusubaybayang hurisdiksyon: http://www.fatf-gafi.org/countries/#high-risk.